Les mots wallons – tome 6

Moûse passe dizos lès ponts mins, s’i fåt dîre li vrêye, Elle a bê sûr si coûse èt tofér si r’nov’ler Li måhêtî brouwèt qui s’a ståré so s’ lét Done al l’êwe ine coleûr qui sètche après l’ djuzêye Eco bin qu’ ci n’èst pus po rispåmer l’ bouwêye Qu’on acoûrt so sès bwérds, come ås siékes rèvolés. Po mådjiner l’ frize êwe, oûy, i våt mî d’ hufler : “A la claire fontaine” mins, po dîre mi pinsêye, Nos d’vris candjî d’ “fontaine” èt pus vite djåzer d’ Guy Vos savez bin, li ci qui n’ fêt qu’ dè ralongui Li lisse dès mots walons qui nos chève gote a gote Ci n’èst nin dèl gotîre qui rimplih’ li tonê C’èst dès pièles qu’aspitèt dèl fontinne qu’i nos fêt Adon, lèyans-l’ goter … nos n’ dîrans måy ahote. Émile Sullon